Reikn­ingar

Orkureikningar sem Veitur gefa út eru fyrir dreifingu á rafmagni og notkun á heitu vatni. Orkureikningar vegna notkunar á rafmagni koma frá raforkusala sem viðskiptavinir velja sér sjálfir.

Dreifing er fyrir dreifingu raforku og þjónustu Veitna sem reka dreifikerfið.

Flutningur – Landsnet er fyrir þjónustu Landsnets sem rekur flutningskerfið. Veitur stýra ekki þessum kostnaðarlið, en innheimta hann fyrir Landsnet.

Jöfnunargjald til ríkissjóðs rennur til ríkisins til að jafna kostnað við dreifingu raforku á milli landshluta. Veitur stýra ekki þessum kostnaðarlið, en innheimta hann fyrir ríkissjóð.

Annar reikningurinn er fyrir dreifingu rafmagns, hann kemur frá Veitum sem sjá um að dreifa rafmagni á sínu veitusvæði. Hinn reikningurinn er fyrir rafmagninu sjálfu og kemur frá raforkusalanum sem þú hefur valið þér.

Það fer eftir hvar þú býrð og hvað Veitur þjónusta svæðið með. Flestir viðskiptavinir fá reikninga fyrir rafmagnsdreifingu og heita vatnið. 

Reikningar fyrir vatns- og fráveitugjöldum berast fasteignaeigendum í sumum sveitarfélögum, en ekki öllum á veitusvæðum Veitna.

Reikningar fyrir heimlagnir berast eingöngu þegar sótt hefur verið um slíkt, t.d. vegna nýbygginga, breytinga á grind eða annað tilfallandi. 

Líklegasta skýringin er að þú skilaðir inn álestri nýlega og fékkst uppgjörsreikning. Þar er gerð upp notkun frá síðasta álestri. Ef notkun var meiri en áætlað hafði verið þá er fyrsti reikningur þar á eftir hærri en vanalega. Í kjölfarið hækka reikningarnir þínir í samræmi við uppfærða áætlun.  

Líklegasta skýringin er að þú skilaðir inn álestri nýlega og fékkst uppgjörsreikning. Þar er gerð upp notkun frá síðasta álestri. Ef notkun var minni en áætlað hafði verið þá er fyrsti reikningur þar á eftir lægri en vanalega. Í kjölfarið lækka reikningarnir þínir í samræmi við uppfærða áætlun.  

Uppgjörsreikningur getur orðið óvenjulega hár, t.d. ef bilun er í innanhússkerfi. Þar sem viðskiptavinir bera sjálf ábyrgð á innanhússkerfum sínum er slíkt á þeirra ábyrgð. 

Leiði galli á búnaði viðskiptavinar af sér aukna orkunotkun er Veitum ekki skylt að lækka orkureikning. Þó geta viðskiptavinir óskað eftir því að Veitur komi að hluta til móts við háan uppgjörsreikning vegna bilunar í innanhússkerfi. Veitur geta orðið við slíku í einstaka tilfellum, en aldrei endurtekið.

Hafðu samband við Veitur ef þú óskar eftir að Veitur komi til móts við viðskiptavin að þessu leyti. Beiðninni þarf að fylgja yfirlýsing frá löggiltum fagaðila um yfirferð húskerfis og að lagfæring tryggi að ekki verði endurtekning.

Líklegasta skýringin er að þú skilaðir inn álestri nýlega og fékkst uppgjörsreikning. Þar er gerð upp notkun frá síðasta álestri. Ef notkun þín var mun minni en áætlað hafði verið miðað við fyrri notkun þá getur myndast inneign hjá Veitum sem dregst frá næsta reikningi. Ef inneignin var hærri/sú sama og reikningurinn þá færð þú engan reikning í það skiptið.  

Ef þú ert með snjallmæli þá eru reikningar mismunandi eftir notkun hvers mánaðar. Búast má við að þeir verði lægri á sumrin og hærri á veturna, sérstaklega þegar um er að ræða reikninga fyrir notkun á heitu vatni. Ef reikningurinn er óeðlilega hár má finna nokkrar ábendingar hér um mögulegar orsakir.  

Þú getur skoðað notkun þína milli mánaða á Mínum síðum Veitna. 

Alla reikninga er hægt að nálgast inn á Mínum síðum, einnig er hægt að nálgast staka reikninga á pdf skjali inn á mínum síðum. Reikningar eru aðgengilegir tveimur vikum fyrir gjalddaga eða í kringum 20. hvers mánaðar. Þar getur þú einnig skoðað eldri reikninga.  

Mögulega gleymdir þú að tilkynna notendaskipti. Þá þarft þú að semja við nýjan greiðanda um hvað hver á að borga. Forsenda uppgjörs er að lesið sé af mælum. Starfsfólk Veitna getur aðstoðað, en uppgjörið verður aldrei alveg rétt þar sem forsendurnar eru ekki til staðar.  

Inn á Mínum síðum Veitna er hægt að breyta greiðslumáta og skrá greiðslukort. Það er undir Reikningar - greiðslumátabreyting.

Þú getur séð þína notkun á Mínum síðum. Þar getur þú borið eigið heimili saman við önnur sambærileg og skoðað orkunotkunina í samhengi.    

Rafmagn er mælt í kílówattstundum (kWh).   Heitt vatn er mælt í rúmmetrum (m3).   Álagning vatns- og fráveitugjalda er reiknuð út frá fermetrafjölda húsnæðis.