Ertu að byggja eða breyta?

Umsókn um heimlögn 

Heimlagnir eru þær lagnir, sem tengja húsnæði við heitt vatn, rafmagn, kalt vatn og fráveitu. Sótt er um heimlagnir á rafrænu formi á  mínum síðum Veitna.
Áður en þú sækir um, athugaðu hér hvort við séum að þjónusta þig.
Vakin er athygli á því að gera þarf samning við söluaðila rafmagns áður en hús er tengt við veitu. 

Á mínum síðum er hægt að sækja um eftirfarandi:

Nýjar lagnir í hús/heimlagnir
Nýjar tengingar við heitt vatn, rafmagn, kalt vatn og fráveitu, t.d. fyrir nýbyggingar

Stækkun heimlagna
Stækkun á heimlögnum t.d. þegar húsnæði er stækkað

Færsla á heimlögnum
Ef færa þarf heimlagnir t.d. vegna breytingar á skipulagi húsnæðis

Aftengingar heimlagna
Þegar aftengja þarf húsnæði við heitt vatn, rafmagn, kalt vatn og fráveitu

Bráðabirgðatengingar
Bráðabirgðatenging við heitt vatn, rafmagn, kalt vatn og fráveitu t.d. á vinnusvæði

Mælagrindur
Færsla og endurnýjun á mælagrind

Á þessum gátlistum má sjá hvaða gögnum þarf að skila.

Smelltu hér til að skoða verðskrá heimlagna.

Þú getur nálgast upplýsingar um stöðu heimlagnaumsóknarinnar þinnar inn á mínum síðum Veitna.

Afhendingartími heimlagna og aftengingar 

Afhendingartími heimlagna fer eftir tegund umsóknar, stærð heimlagna, hvort um er að ræða nýtt eða gróið hverfi og stöðuna á dreifikerfi Veitna. Mikilvægt er að móttökustaður sé tilbúinn samkvæmt skilmálum Veitna og rétt gögn fylgi umsókn. Öll frávik geta valdið töfum. Þegar umsókn er móttekin og gögn fullnægjandi fer hún í undibúning og þjónustufulltrúi hefur samband varðandi næstu skref.

Uppsetning mæla ásamt því að hleypt er á eða spennusett á sér stað eftir að búið er að leggja heimlagnir. Skilyrði fyrir því að það sé framkvæmt er að þjónustubeiðni rafverktaka og/eða pípara hafi borist Veitum.