Ertu að byggja eða breyta?

Ertu að byggja?

Hér má finna upplýsingar sem gagnast húsbyggjendum til að tryggja fagleg vinnubrögð á hönnunar- og byggingarstigi nýbygginga eða vegna viðhalds eldri bygginga. Áður en sótt er um tengingu hjá okkur er gott að glöggva sig á hvaða þjónustu við bjóðum upp á á þínu svæði en það geturðu séð á eftirfarandi yfirlitsmynd yfir veitusvæði okkar. 

Hvað þarf til að tenging komist á? 

• Á skipulögðum nýbyggingarsvæðum þarf ekki að sækja um tengingu við fráveitu. Aðrar tengingar þarf að sækja um, bæði bráðabirgðatengingar og varanlegar. 

• Inntaksrýmið þarf að uppfylla skilmála Veitna sem og skilyrði byggingareglugerðar. Sem dæmi þarf inntaksrými að vera við útvegg á þeirri húshlið sem heimæð kemur að, rýmið skal hafa loftræstingu og niðurfall í gólfi. Mælar þurfa gott fjarskiptasamband í inntaksrými.

• Aðstæður á verkstað þurfa að uppfylla skilmála Veitna.

• Þurfi starfsfólk eða verktakar á vegum Veitna að fara af verkstað vegna þess að skilyrði séu ekki uppfyllt, munu Veitur innheimta endurkomugjald fyrir hverja endurkomu samkvæmt gildandi verðskrá.

• Ef sótt er um bráðabirgðaheimlagnir skal hafa það í huga að allar bráðabirgðaheimlagnir aftengjast þegar aðalheimlagnir verða tengdar.