Stefna um upplýsingaöryggi og persónuvernd
Veitur líta á meðhöndlun og varðveislu upplýsinga sem mikilvægan þátt í að styðja við ákvarðanatöku og framvindu ferla fyrirtækisins og nauðsynlegan þátt í virðiskeðju þess. Það er stefna Veitna í upplýsingaöryggi og persónuvernd að upplýsingar séu réttar, tiltækar og trúnaðar gætt þar sem við á. Öll meðferð Veitna á persónuupplýsingum lýtur lögum um persónuvernd og vinnslu persónuupplýsinga og reglum sem settar eru samkvæmt þeim.
Þetta gera Veitur með því að:
- finna og meðhöndla áhættu og vinna að stöðugum umbótum.
- treysta fólki og fela því umsjón með upplýsingaöryggi og persónuvernd með því að efla vitund.
- verja gögn og tryggja að trúnaðar sé gætt.
- vinna með gögn þannig að þau skili sér á réttan vistunarstað, séu rétt, spillist ekki og að úr verði áreiðanlegar upplýsingar.
- tryggja réttindi einstaklinga með tilliti til persónuupplýsinga þeirra.
- notendur hafi auðveldan aðgang að upplýsingum og þjónustu sem þeir hafa þörf fyrir hverju sinni - Opið en öruggt.
Stefna um upplýsingaöryggi og persónuvernd byggir á gildum og heildarstefnu Veitna og er sett fram til samræmis við eigendastefnu Orkuveitunnar.
[Sameinuð stefna um upplýsingaöryggi og persónuvernd samþykkt á stjórnarfundi 17.05.2023]