Gátlistar fyrir umsóknir heimlagna

Heimlagnaumsókn - Ný heimlögn

Upplýsingar og gögn sem skal skila við umsókn

Almennt

Með öllum umsóknum þurfa að fylgja almennar upplýsingar um afhendingarstað heimlagnar og greiðanda.

Skila skal eftirfarandi upplýsingum með öllum umsóknum:

• Heimilisfang verkstaðar
• Póstnúmer
• Landsnúmer – matshluti*
• Kennitala greiðanda
• Netfang greiðanda
• Nafn tengiliðs
• Netfang tengiliðs
• Símanúmer tengiliðs
• Tegund mannvirkis

*ATH hægt er að leita í fasteignaskrá í umsókn og þá fyllist sjálfkrafa út, heimilisfang, póstnúmer og landsnúmer – matshluti.

Rafveitu-, hitaveitu- og vatnsveitutenging

Hér fyrir neðan eru leiðbeiningar um hvaða upplýsingum og gögnum skal skila með umsókn.

Upplýsingar:

• Stærð heimtaugar/heimæðar - sjá viðmiðunartöflu
• Fjöldi fyrirhugaðra sölumæla
• Upplýsingar hvort vinnuskúr sé á verkstað sem þurfi að aftengja
• Áætluð vatnsþörf (l/m) – þarf aðeins fyrir mjög stórar heimæðar
• Brúttórúmmál mannvirkis (m3) – sjá í skráningartöflu mannvirkis
• Er í vatnsúðarakerfi í mannvirkinu
• Skal neysluvatn og vatnsúðakerfi vera sameiginlegt í einni heimæð

Gögn:

• Afstöðumynd sem sýnir hvar heimlagnir koma inn í hús
• Grunn- og sniðmynd sem sýnir hvar inntaksrými er í húsi, hvar og hvernig heimlagnir koma inn í það
• Skráningartafla mannvirkis
• Einlínumynd af aðaltöflu
• Einföld útlitsmynd af aðaltöflu fyrir heimtaugar 200A og stærri
• Sem sýnir hvernig heimtaug kemur inn í töflu, staðsetningu aðalrofa, straumspenna og mæla
• Afláætlun fyrir heimtaugar 315A og stærri
• Staðfesting á hámarksstraumþoli fyrir heimtaugar 400A og stærri
• Þjónustubeiðni pípulagningameistara Skil þarf eyðublaði
• Þjónustubeiðni rafverktaka - skilað í gegnum gátt HMS
• Þarf ekki að skila inn með umsókn en þarf að hafa borist fyrir spennusetningu
• Við uppsetningu á fleiri en einum mæli skal skila inn töflu yfir alla mæla

Fráveitutenging

Í nýjum íbúðahverfum eru tengingar fráveitu lagðar að hverri lóð og þurfa lóðarhafar ekki að sækja sérstaklega um tengingu við fráveitu.

Á iðnaðar- og athafnasvæðum og þar sem um er að ræða stakar lóðir í grónum hverfum sækir lóðarhafi um tengingu við fráveitu nema annað komi fram á hæðarblaði eða í úthlutunarskilmálum.

Hér fyrir neðan eru leiðbeiningar um hvaða upplýsingum og gögnum skal skila með umsókn á tengingu við Fráveitu.

Upplýsingar:

• Stærð fráveitutengingar.

Gögn:

• Afstöðumynd sem sýnir hvar heimlagnir koma inn í hús.
• Grunn- og sniðmynd sem sýnir hvar inntaksrými er í húsi, hvar og hvernig heimlagnir koma inn í það.
• Fráveituútreikningar fyrir fráveitu stærri en 150mm.
• Þjónustubeiðni pípulagningameistara.