Veitur standa fyrir nýsköpunarfestivali í Elliðaárstöð 3.-5. júní.
Veitur halda sitt fyrsta nýsköpunarfestival 3.-5. júni þar sem hópur skapandi fólks tekst á við áskoranir í orku- og veitumálum. Viðgangsefnin snerta okkur öll, samfélagið í heild sinni og komandi kynslóðir. Ef þú vilt taka þátt í að finna skapandi lausnir sem tryggja aðgengi að rafmagni, hita, hreinu vatni og fráveitu. Með nýsköpun og samstarfi veitum við lífsgæði til framtíðar. Skráðu þig til leiks!
Við vinnum eftir hugmyndafræði hönnunarspretta (e. design sprints) en með þeim er hægt að leysa stórar áskoranir á stuttum tíma með því að vinna saman, nota sköpunarkraftinn, rökhugsun og snerpu.Framundan eru fimm áskoranir og taka um 20 manns þátt í hverjum spretti
Við fáum frábæra gesti til okkar, leiðtoga í nýsköpun og orkumálum, hugsuði og frumkvöðla sem veita okkur innblástur og kveikja neista.
Við munum kynna fyrirlesara okkar einn af öðrum hér á síðunni á næstunni. Þau koma úr ólíkum áttum en eiga það sameiginlegt að vera orkugefandi og víkka sjóndeildarhringinn.
Tengjum 2025
Dr. Angela MacOscar
Max McShane
Bergur Ebbi Benediktssson
Sandra Barilli
Fyrirmynd nýsköpunarfestivalsins má rekja til Northumbrian Waters Innovation festival í Newcastle sem er eitt stærsta veitu tengda nýsköpunarfestival í heiminum. Nýsköpunarteymið hjá Northumbrian Waters veitti ráðgjöf við undirbúning festivalsins.
Dagskrá Tengjum 2025 | |||
3. júní | 4. júní | 5. júní | 6. júní |
Af stað – Skiljum vandamálið | Hugmyndavinna! | Frumgerð og prófun / Lokahátíð | Lyfturæða |
| Opnun Tengjum 2025. Tengslamyndun og keyrum af stað 5 hönnunarspretti. Fyrsta stopp: Skiljum vandamálið. Fáum innsýn sérfræðinga og greinum áskorunina. Hvernig gætum við leyst þetta? | Þátttakendur í sprettum taka þátt í þankahríð, þróa hugmyndir og kjósa bestu hugmyndina. | Byggjum! Þátttakendur í sprettum gera frumgerð (prototype) og prófa (testing) hvernig það virkar. Lokahátíð: Opinn viðburður í Elliðaárstöð 5. júní kl. 17-19. | Sprettleiðtogar taka niðurstöður spretta áfram og og kynna fyrir framkvæmdastjórn og dómnefnd. Bestu hugmyndirnar fá framgang og fjármagn. |
Nýsköpunarfestival Veitna og Frumkvöðlaseturs Orkuveitunnar í Elliðaárstöð er 4 daga nýsköpunarhátíð þar sem um 100 manns koma saman til að leysa áskoranir sem tengjast orku og veitumálum. Á hátíðinni eru keyrðir fimm sprettir og þátttakendur taka þátt í skemmtilegri dagskrá og frá innblástur frá skapandi fólki. Andi nýsköpunar, gleði og skemmtunar mun svífa yfir vötnum í Elliðaárstöð og er stefnan á að þetta verði skemmtilegasta vinnuvika ársins!
Tökumst á við á raunverulegar áskoranir í orku- og veitumálum með samvinnu og sköpunarkraftinn að vopni.
Fjölbreyttur hópur fólks frá Orkuveitunni og dótturfyrirtækjum, samstarfsaðilar, fólk úr orkugeiranum, fagfólk, hönnuðir, listafólk, háskólanemar, verktakar, stjórnsýsla, frumkvöðlar taka þátt. Vilt þú vera með? Skráðu þig hér.
Með því að vinna saman og leiða saman fjölbreyttan hóp er hægt að leysa raunverulegar áskoranir á stuttum tíma. Við vonumst til að niðurstaða sprettanna verði að raunverulegum verkefnum innan Veitna og Orkuveitunnar og séu raunverulegar lausnir við áskorunum sem við stöndum frammi fyrir.
Það er mikilvægt fyrir viðskiptavini og veitukerfin.
Aukum samvinnu, virkjum sköpunarkraftinn og stækkum tengslanetið.
Orkuveitan og Veitur eru þekkt fyrir það að leysa vandamál og má segja að nýsköpun sé í DNA-i fyrirtækjanna.
Hönnunarsprettur (e. design sprint) er aðferð sem notuð er til að finna lausnir og þróa vörur á stuttum tíma. Aðferðin er þróuð af Jake Knapp og er farið í gegnum fimm skref frá skilningi vandamáls til prótótýpu á mjög stuttum tíma.
Sérfræðingar eru fengnir að borðinu og kynna efnið fyrir þátttakendum og er lögð áhersla á lýðræðisleg vinnubrögð þar sem bestu hugmyndirnar eru kosnar áfram og haldið áfram að vinna með þær.
Afrakstur hönnunarspretts er einhversskonar prótótýpa sem er prófuð af notendum.
Í lok festivals verða lausnirnar kynntar og munu að minnsta kosti 2 verkefni verða fjármögnuð og komið til framkvæmda.
