Hægt er að fylgjast með beinu streymi frá Reynisvatnsheiði þar sem Veitur eru að byggja nýjan hitaveitutank. Á Reynisvatnsheiði skammt ofan við Grafarholt eru tankar sem gegna mikilvægu hlutverki fyrir hitaveituna á höfuðborgarsvæðinu.
Heita vatnið sem notað er á höfuðborgarsvæðinu kemur annars vegar frá lághitasvæðum í Mosfellsbæ og Reykjavík (Laugarnesinu og Elliðaárdal) og hins vegar frá virkjunum á háhitasvæðum á Nesjavöllum og á Hellisheiði.
Í umrædda tanka sem eru fjórir talsins á Reynisvatnsheiði safna Veitur heita vatninu sem kemur frá virkjunum. Hver tankur rúmar um 9.000 rúmmetra af u.þ.b. 80 gráðu heitu vatni og mun tankurinn sem nú er í byggingu verða sá fjórði í röðinni og er af sömu stærð.
Því meira magn sem við getum geymt í tönkum okkar á Reynisvatnsheiði því tryggara er afhendingaröryggið hjá okkur yfir kaldasta tíma ársins. Við lentum t.d. í ákveðnum vandræðum síðasta vetur sem var einn sá kaldasti sem við höfum séð lengi. Stefnt er að því að taka þennan tank í notkun í desember sem kemur sér vel fyrir höfuðborgarbúa.
– Sólrún Kristjánsdóttir framkvæmdastýra Veitna
Hægt er að fylgjast með beinu streymi frá byggingu hitaveitutanksins á Reynisvatnsheiði hér fyrir neðan.
Tankur á Reynisvatnsheiði í beinu streymi
Nýjustu fréttir
Sjá allar fréttir
Orkuveitan og dótturfélagið Veitur hafa samþykkt samninga við North Tech Drilling ehf. og ítalska fyrirtækið Hydro Drilling S.R.L. um borun allt að 35 jarðhitahola í kjölfar útboðs fyrirtækjanna sem fram fór í ágúst 2024.
Veitur og Reykjavíkurborg stóðu fyrir samkeppni um tvö ljóslistaverk í almannarými borgarinnar fyrir Vetrarhátíð 2025, í nóvember síðastliðnum.