Kæru íbúar og viðskiptavinir
Dagana 20.-27. nóvember næstkomandi munu Veitur endurnýja lagnir við Hverfisgötu 100.
Loka þarf fyrir umferð á Hverfisgötu milli Barónsstígs og Snorrabrautar á meðan á framkvæmdum stendur. Hjáleið verður um Laugaveg. Viðeigandi merkingar sem kynna hjáleiðir gangandi og akandi vegfarenda verða settar upp á svæðinu til að tryggja öryggi. Strætó mun aka hjáleiðina.
Við munum ganga frá öllu yfirborði á framkvæmdasvæðinu að verki loknu, þó veðurfar geti haft einhver áhrif á það. Allur yfirborðsfrágangur sem ekki er mögulegur vegna vetrarveðurs verður kláraður vorið 2024.
Þriðjudaginn 21.nóvember verður heitavatnslaust í Hverfisgötu 98 og 100, 100A og 100B og á Barónsstíg 11A í tengslum við framkvæmdina. Íbúar og viðskiptavinir í þessum húsum verða sérstaklega látnir vita af þessu.
Veitur endurnýja lagnir til að tryggja öllum viðskiptavinum nauðsynlega innviði til framtíðar.
Með kveðju,
starfsfólk Veitna