Dælu­stöðv­arvegur í Mosfellsbæ

Um verkefnið: Framkvæmdir eru tvíþættar og skiptast á milli ára.  
Áhersla er lögð á öryggi vegfarenda og starfsfólks og að verki loknu verður gengið frá öllu yfirborði.  

Árið 2025 verður unnið í gangstétt þar sem lagður verður sver háspennustrengur til að auka afhendingaröryggi rafmagns í Mosfellsbæ. Verkið er hluti af stærra verkefni þar sem strengir eru lagðir frá aðveitustöðinni við Korpu.  

Unnið verður í gangstétt og skurðurinn opinn langleiðina allan tímann á meðan unnið er. Það er mikilvægt að strengurinn sé lagður í heilu lagi til að að hann endist sem best.  

Árið 2026 verður unnið hinu megin í götunni og þar verður vinnusvæðið töluvert umfangsmeira. Þar verður hluti af Reykjaæð endurnýjaður, en það er stór hitaveitulögn sem sér hluta af höfuðborgarsvæðinu fyrir heitu vatni.  

Á meðan hitaveitulögnin er lögð er líklegt að önnur akreinin í Dælustöðvarvegi lokist, en aðgengi verður þó tryggt allan tímann.  

Veitur hafa ígrundað það vel hvort hægt sé að vinna þetta í sama skurðinum, en vegna stærðar beggja lagna er það ekki ráðlegt. Hitaveitulögnin er fyrirferðarmikil og öryggissvæðið fyrir rafstrenginn kemur í veg fyrir að mögulegt sé að sameina verkin. 

Vinnusvæði:  
2025 er unnið í gangstétt nær Furu- og Grenibyggð 
2026 er unnið í gangstétt og akrein nær Krókabyggð

Tímaáætlun:
2025: 15 júní - 1 september  
2026: 1 apríl - 1 október 

Verkefnastjórar Veitna: Guðmundur S. Sigurgeirsson (2025) og Sigríður Sif Magnúsdóttir (2026)
Samskipti: Silja Ingólfsdóttir hjá þjónustu Veitna