Naut­hóls­veg­ur-Flug­vall­ar­vegur

Verkefnið: Verkið á svæðinu felst annars vegar í endurnýjun og flutningi lagna út fyrir lóðamörk Nauthólsvegar 79 og 81 og hins vegar í gerð göngu- og hjólastíga meðfram Flugvallarvegi og Nauthólsvegi í legu nýrra lagna. Framkvæmdir eru komnar af stað og miðar ágætlega áfram. Undirgöngum undir Flugvallarveg verður lokað og steyptur gangnaendi fjarlægður að hluta.

ENDURNÝJUN OG FLUTNINGUR LAGNA

Verkið frá Flugvallarvegi 7 að gatnamótum Flugvallarvegar og Nauthólsvegar að innkeyrslu hótels er í aðalatriðum fólgið í endurnýjun lagna og nýlögnum Veitna. Grafið verður fyrir skurðum fyrir fráveitulagnir, kaldavatnslagnir, hitaveitulagnir, rafstrengi og fjarskiptalagnir. Jafnframt er grafið fyrir brunnum og tengiskápum.

HJÓLA – OG GÖNGUSTÍGUR

Á Nauthólsvegi frá Flugvallavegi að Nauthól verða lagðir göngu- og hjólastígar. Jarðvegsskipt verður undir stígum. Einnig er um að ræða breytingu á köntum Flugvallarvegar og gerð þverunar með upphækkaðri steinlögn á þeim kafla.

Verkið er jafnframt fólgið í endurnýjun og nýjum lögnum Veitna. Skurðir verða gerðir fyrir fráveitulagnir, kaldavatnslagnir, hitaveitulagnir, rafstrengi og fjarskiptalagnir.

 Nánari upplýsingar eru á vef Reykjavíkurborgar.

Vinnusvæði: Frá Flugvallarvegi 7 að gatnamótum Flugvarllarvegar og Nauthólsvegar að innkeyrslu hótels.

Tímaáætlun: Frá 20. júní til 15. október 2023

Verkefnastjóri Veitna: Ingimar Guðmundsson

Verktaki: Steingarður ehf

Umsjónamaður framkvæmdar: Rúnar Gísli Valdimarsson, Mannvit.