Stjórnendur og stjórn
Stjórnendateymi Veitna samanstendur af einstaklingum með ólíkan bakgrunn sem mynda sterkt og skapandi teymi. Framtíðarsýn okkar er skýr. Við ætlum að hafa frumkvæði að sjálfbærum lausnum með árangur samfélagsins að leiðarljósi. Stjórn Veitna skipa Hrund Rudólfsdóttir formaður, Íris Baldursdóttir og Ásgeir Westergren. Varamaður er Bára Jónsdóttir.
Sólrún Kristjánsdóttir
Sólrún er með meistarapróf í stjórnun og stefnumótun frá Háskóla Íslands og Copenhagen Business School. Hún gegndi áður starfi framkvæmdastýru mannauðs og menningar hjá Orkuveitunni þar sem hún hefur starfað frá árinu 2004, lengst af sem mannauðsstjóri. Hún lauk BA prófi í uppeldis- og menntunarfræði frá Háskóla Íslands. Sólrún er einnig stjórnarformaður Samorku sem og Alþjóða jarðhitasambandsins, IGA (International Geothermal Association).
Jón Trausti Kárason
Forstöðumaður, er með meistaragráðu í vélaverkfræði frá Háskóla Íslands, bakkalárgráðu í vélatæknifræði frá Háskólanum í Reykjavík og sveinspróf í vélvirkjun. Hann starfaði sem verkefnastjóri fjárfestingarverkefna hjá Veitum.
Brynja Ragnarsdóttir
Forstöðukona Vatnsmiðla, er með M.Sc.gráðu í rekstrarverkfræði frá Danmarks Tekniske Universitet og B.Sc.gráðu í iðnaðarverkfræði frá Háskóla Íslands. Hún starfaði áður hjá Össuri sem ferlastjóri. Einnig vann hún hjá Novo Nordisk í Kaupmannahöfn þar sem hún gengdi ýmsum störfum á fjármála- og framleiðslusviði.
Pétur Krogh Ólafsson
Pétur var áður forstöðumaður sjálfbærni og viðskiptaþróunar hjá Veitum og starfaði áður sem aðstoðarmaður borgarstjóra. Pétur er með MA í bókmenntafræði og BA í sagnfræði.
Sigríður Sigurðardóttir
Sigríður Sigurðardóttir, forstöðukona Stafrænnar umbreytingar er með doktorsgráðu í iðnaðarverkfræði frá Háskóla Íslands. Hún tók hluta af doktorsnáminu við Berkeley háskóla í Kaliforníu sem og Chalmers tækniháskólann í Gautaborg. Sigríður er með meistara- og bakkalárgráðu í iðnaðarverkfræði frá HÍ. Hún hefur starfað undanfarin fimm ár hjá Veitum. Hún starfaði áður hjá Arion banka og Matís.
Halldóra G. Hinriksdóttir
Halldóra Hinriksdóttir forstöðukona þjónustu Veitna er með MBA gráðu frá Edinborgarháskóla með áherslu á stefnumótun og fjármál. Hún starfaði áður sem framkvæmdastjóri Verðbréfamiðstöðvar Íslands hf., JCC ehf og hjá Landsbankanum. Hún hefur meira en 20 ára reynslu af stjórnun og forystu og hefur sérhæft sig í stefnumótun, verkefna- og breytingastjórnun ásamt straumlínustjórn.
Skipurit Veitna
Stjórn Veitna
Hrund Rudólfsdóttir
Hrund er margreyndur stjórnandi og stýrði m.a. Veritas hf í rúmlega áratug og þar á undan var hún framkvæmdastjóri mannauðsmála hjá Marel. Þá gegndi Hrund hlutverki varaformanns Viðskiptaráðs en lét af störfum þar nýlega. Hrund situr í stjórnum Expectus, Nova og Skaga.
Ásgeir Westergren
Var deildarstjóri áhættustýringar hjá Reykjavíkurborg áður en hann kom til starfa á fjármálasviði Orkuveitunnar árið 2015. Hann er með M.Sc. gráðu í viðskiptafræði með áherslu á fjárfestingastjórnun og áhættustýringu frá Háskóla Reykjavíkur. Hjá Orkuveitunni hefur Ásgeir starfað lengst af sem forstöðumaður áhættustýringar en starfar nú að málefnum tengdum fjármögnun Orkuveitunnar og dótturfélaga, samskiptum við fjárfesta og fjárhagslegum greiningum.
Elín Þórunn Eiríksdóttir
Elín Þórunn er viðskiptafræðingur og hefur víðtæka stjórnunarreynslu úr ólíkum atvinnugreinum. Hún er framkvæmdastjóri tjónaþjónustu Sjóvá. Áður var hún framkvæmdastjóri fyrirtækjasviðs Símans. Elín Þórunn hefur gegnt ýmsum trúnaðarstörfum í gegnum tíðina og hefur setið í stjórnum Valitors hf., Símans hf., Radíómiðunar ehf. og Staka Automation ehf.
Íris Baldursdóttir
Stjórnandi með viðamikla reynslu af rekstri og þróun raforkukerfa á Íslandi og erlendis. Hún lauk meistaraprófi í rafmagnsverkfræði frá KTH í Stokkhólmi 2001 og, síðar, AMP stjórnendanámi við IESE í Barcelona 2021. Íris hefur starfað fyrir alþjóðlega rafbúnaðar-framleiðandann ABB í Svíþjóð og Mexikó sem og hjá Landsneti í 15 ár, síðustu árin sem framkvæmdastjóri kerfisstjórnunarsviðs. Íris er nú ráðgjafi hjá samtökum flutningsfyrirtækja raforku í Evrópu, ENTSO-E, og jafnframt stofnandi og framkvæmdastjóri Snerpa Power.
Sigþór Sigurðsson
Sigþór Sigurðsson er framkvæmdastjóri Colas Ísland ehf. Fyrirtækið er dótturfélag eins stærsta malbikunarfyrirtækis í heimi, Colas AS. Hann er vélaverkfræðingur frá Háskóla Íslands. Sigþór situr í framkvæmdastjórn Colas N-Evrópu og er formaður Mannvirkis, félags verktaka innan Samtaka Iðnaðarins.
Bára Jónsdóttir
Lögfræðingur hjá Orkuveitunni, lauk lögfræðiprófi (mag.jur.) frá Háskóla Íslands árið 2012 og fékk lögmannsréttindi 2013. Hún starfaði fyrir slitastjórn Frjálsa fjárfestingarbankans og SPRON frá útskrift til 2014. Þá tók við starf hjá Seðlabanka Íslands þar til hún gekk til liðs við Orkuveituna árið 2015. Bára á jafnframt sæti í stjórn Stéttarfélags lögfræðinga.
Haukur Darri Hauksson
Haukur er með BSc-gráðu í efnaverkfræði frá Háskóla Íslands og MSc-gráðu í orkuverkfræði frá Háskólanum í Reykjavík. Hann hóf störf hjá Orkuveitunni árið 2020, fyrst sem sumarstarfsmaður, og hefur starfað sem sérfræðingur í auðlindanýtingu á sviði rannsókna og nýsköpunar frá útskrift árið 2023.