Eiríks­gata og Þorfinns­gata, Reykjavík

Um verkefnið: Endurnýjun á lágspennustrengjum og hitaveitulögnum. Samtímis verða heimlagnir endurnýjaðar þar sem þess gerist þörf.

Verkefnið verður allt unnið vor og sumar 2024, en þó verður því áfangaskipt þannig að skurðir verði einungis á hluta svæðis hverju sinni.
Áhersla er lögð á öryggi vegfarenda og starfsfólks og aðgengi að spítalanum í forgangi.

Uppfært 8.11.2024: Ný tímaáætlun fyrir lok þess hluta sem er á Eiríksgötu gerir ráð fyrir verklokum um næstu mánaðarmót. Öll hitaveiturör eru komin í jörðu og verða tengd við húsin þriðjudaginn 12. nóvember. Vinna við tengingar í hvert hús er töluverð sem skýrir lengd hitaveitulokunar hjá íbúum við Eiríksgötu. Að þessu loknu er eftir að leggja rafstreng neðst í Eiríksgötu. Þegar rafmagnið er tengt við húsin þarf að taka rafmagnið af í stutta stund í hverju húsi fyrir sig. Vinna við að fylla í skurði er hafin og hellulögn unnin samhliða því.
Uppfært 18.10.2024: Skurðir í görðum eru smám saman að fyllast aftur og í næstu viku hefst vinna við að fylla í skurði í gangstétt. Byrjað verður efst á Eiríksgötu við Barónstíg. Tengingar hitaveitu verða tvær, annars vegar í um 1-2 klukkustundir og síðar í lengri tíma. Það verður tilkynnt sérstaklega og með fyrirvara.
Uppfært 23.9.2024: Unnið er að lausn til að tryggja sorphirðu við Eiríksgötu. Samkvæmt áætlun mun framkvæmdum ásamt frágangi á svæðinu ljúka um miðjan nóvember.
Uppfært 16.9.2024: Ákveðið hefur verið að fresta áfanganum við Þorfinnsgötu og þar verður því ekki unnið á þessu ári.
Uppfært 20.8.2024: Vinna gengur ágætlega við Eiríksgötu, þó ekki eins og best hefði verið. Plássið er lítið við vinnusvæðið sem hægir á verkinu. Nú er leyfi komið til að loka fyrir umferð í aðra áttina og þá eykst plássið sem nýtist til að vinna áfram.
Uppfært 24.7.2024: Vinna við Eiríksgötu er hafin. Verktakar eru að leggja bráðabirgðalagnir fyrir heitt vatn. Bráðabirgðatengingin verður tengd fimmtudaginn 25. júlí og verður því heitavatnslaust frá klukkan 10:00 til 15:00 þann dag. Verktakar munu einnig hefja vinnu í görðum til að leggja raflagnir í hús. Það má búast við heimsóknum frá verktökum til að kanna hvar rafmagnið kemur inn í hús. Veitur hafa fengið leyfi frá Reykjavíkurborg til að vísa íbúum á bílastæðið við Austurbæjarskóla þar til skólastarf hefst á ný þann 12. ágúst.

Uppfært 10.7.2024: Merkingar hafa verið settar niður og farið verður á næstu dögum í að leggja bráðabirgðalagnir. Eins og áður hefur komið fram verður heitvatnslaust dagpart, en munu íbúar á svæðinu vera upplýstir með fyrirvara.

Uppfært 27.6.2024: Vinna hefst við Eiríksgötu og athafnasvæði verktaka verður á bílastæðinu við gömlu augndeild landsspítalans, Eríksgötu 37. Unnið verður í gangstétt og við það lokast bílastæði meðfram henni. Aðgengi íbúa verður tryggt allan tímann um brýr.

Uppfært 25.6.2024: Vinna hefst á næstu dögum og í fyrsta hluta verður unnið í Eiríksgötu. Bráðabirgðatengingar til að tryggja heitt vatn til íbúa verða gerðar og þá verður heitavatnslaust dagpart, en það er tilkynnt sérstaklega.

Vinnusvæði: Eiríksgata frá Barónstíg að Þorfinnsgötu og þaðan að Egilsgötu.

Tímaáætlun: Júní til loka október 2024. Gera má ráð fyrir að fullum frágangi á svæðinu verði lokið um miðjan nóvember.

Verkefnastjóri Veitna: Auður Guðríður Hafliðadóttir

Samskipti vegna framkvæmda: Silja Ingólfsdóttir, þjónustusviði Veitna

Verktaki: Stjörnugarðar

Eftirlit: Kjartan Kjartansson hjá Hnit